ESCOLA DE FIGUEIRIDO. CRA DE VILABOA

 Hoxe celebramos o noso tradicional magosto na Lagoa de Castiñeiras acompañados do resto de escoliñas do CRA e das nosas familias.  Unha xornada marabillosa onde houbo tempo de convivencia, de xogos tradicionais e dunha deliciosa merenda organizada polas familias e pola nosa ANPA Os Pequenos.  Graciñas familias por facer comunidade! 

Preparámonos para o Magosto visitando o Souto do noso Martín, ao que fomos convidados a apañar castañas para asar mañá na Lagoa de Castiñeiras xunto co resto das escoliñas do CRA. Gozamos dos seus castiñeiros, apañamos castañas e pasamos unha mañá marabillosa neste lugar máxico.  Tamén xogamos coas cores do outono co Bingo de Cores da Bolsa Brincacontos que ven da nosa BiblioCRA, e que foi elaborado o curso pasado polo alumando do CRA.  Ademais… Na escoliña xa levamos uns días desfrutando do noso novo recuncho de xogo, o posto de castañas,  no que preparamos os cartos, os carteis e elaboramos os cucuruchos para xogar a asar e vender as nosas castañas.