PLANEA: Sesión 2 ✍️🔑📦

SESIÓN 2: LÁPIZ, OBXECTOS E CUBRICIÓNS

Continuamos avanzando no proxecto cunha segunda sesión na que o corpo, a mirada e a coordinación volveron ter un papel fundamental.

Comezamos no primeiro espazo cun pequeno quecemento corporal e retomamos o xogo de pasarnos un obxecto cuberto. Nesta ocasión introducimos unha novidade: o lanzamento alterno. Primeiro pasámolo seguindo unha orde, e despois de maneira máis libre, sempre coa consigna clara de manter a mirada coa persoa á que lle enviabamos o obxecto.

Nesta sesión xa non empregamos cubricións chegadas doutras escolas; cada grupo utilizou materiais e obxectos propios da aula, integrando así o cotián dentro da experiencia artística.

No segundo espazo, retomamos o traballo por parellas coa proposta das chaves, engadindo unha nova dificultade con respecto á sesión anterior: introducimos movementos bilaterais (mans cruzadas). Antes de comezar, fixemos unha pequena demostración para comprender ben a dinámica. A coordinación, a atención e o ritmo foron fundamentais para que o xogo fluíse.

Ao son da campá, pechamos esta parte da sesión e escoitamos atentamente a lectura sobre o entroido, a través do conto “De festa en festa”, conectando novamente a proposta artística co que estamos a vivir e traballar na aula estes días.

No terceiro e último espazo, elaboramos un mural colectivo, no que cada neno e nena foi deixando a súa pegada, construíndo entre todos unha creación común a partir do texto escoitado.

Rematamos a sesión ao son das campás, poñendo un peche tranquilo e consciente á actividade.

CONTINUARÁ ✨🎨