Nadal na escola🎅🏼

Ao longo destas datas realizamos distintas propostas de Nadal na escola que fomos compartindo no blog. Aquí vos deixo outras poucas que encheron de maxia a escola durante estes días.

Grazas pola vosa colaboración familias!

CHOCOLATE CON ROSCA

Rematamos o trimestre cunha gran chocolatada con rosca despois do festival, que preparamos con moito cariño para as nosas familias e coa que finalizamos o trimestre e o ano na escola.

CORREO DE NADAL

Ao longo destas datas estivemos inmersos na elaboración e lectura de cartas que ían enchendo o noso buzón. Creamos un recuncho na aula con material variado para a creación das mesmas. Resultou unha iniciativa moi motivante e que espertou a curiosidade pola correspondencia e encheu a escola de ilusión e ledicia.

ADORNO DE NADAL

A partir do conto "Un nadal para o recordo" quixemos facer o noso adorno de nadal cunha fotografía para recordar, a mañá que pasamos na BiblioCRA. Para iso modelamos arcilla para facer a bola na que estampamos unha folliña de tuia, os nosos nomes e pintamos con tinta de espinaca. Engadimmos a este adorno a nosa foto xunto con un código QR que vos leva á documentación pedagóxica co trimestre.