A Escola de Figueirido forma parte do CRA de Vilaboa.Consuelo González Martínez

viernes, 21 de marzo de 2025

Día dos Bosques 🌳


O Día Internacional dos Bosques brindounos a oportunidade de explorar a natureza dende unha perspectiva diferente: a través do son e da imaxe. Inspirándonos no libro Viaxe visual e sonora polos bosques de España de Carlos de Hita, propuxémonos rexistrar o noso propio bosque encantado.

Para iso, equipámonos con cámaras e material de gravación  adentrámonos no Bosque Encantado de Figueirido. Pero antes de comezar coas gravacións, mergullámonos nun baño de bosque. Seguimos o conto Baño de bosque para aprender a experimentar a contorna cos sentidos: escoitar o murmurio das árbores, notar a textura da codia, observar a luz filtrándose entre as follas… Un exercicio de conexión e calma en plena natureza.

Despois desta vivencia, dedicámonos a captar os sons do bosque coas nosas gravadoras e a fotografar os recunchos máis especiais, convertendonos en Carlos de Hita. Ademais, elaboramos unhas instrucións para que calquera poida desfrutar dun baño de bosque e sentir a natureza dunha forma máis consciente.

Na aula, convertemos a nosa experiencia en ilustracións e materiais gráficos, creando un rexistro visual e sonoro do noso percorrido, traballando o sonograma como instrumento para representar os sons . Esta actividade non só nos permitiu celebrar o valor dos bosques, senón tamén reflexionar sobre a importancia de observalos e escoitalos con atención.























































 

No hay comentarios:

Publicar un comentario