ESCOLA DE FIGUEIRIDO. CRA DE VILABOA

Para conmemorar o Día Internacional Contra a Violencia de Xénero, e seguindo o noso PDI CRArte: da orixe á arte popular , fixemos un experimento para crear a cor violeta, a cor das mulleres valientes. Para iso, seguindo a nosa investigación sobre as cebolas, empregamos a súa pel morada para crear o noso pigmento. Tras investigalas, pelámolas e enchimos botes coas súas peles onde engadimos auga quente. Para mellorar o pigmento incorporamos fariña de millo para que fose máis densa.  Unha vez obtido o pigmento, mergullámonos nun ambiente de luz e música onde realizamos as nosas composicións artísticas, onde resaltamos a importancia desta cor morada coma símbolo contra a violencia.  PROCESO ELABORACIÓN  ACTIVIDADES  DE INVESTIGACIÓN PREVIAS

Continuamos co noso proxecto CRArte: da orixe á arte popular , mergullándonos nun novo experimento artístico para descubrir como podemos crear pintura a partir dun elemento tan cotián como a cebola . Cada neno/a trouxo unha cebola da casa, o que xerou moita expectación e curiosidade. Observámolas, ulímolas, tocámolas e falamos das súas partes. A seguir, pelamos as cebolas para conseguir as peles secas, que serían a base da nosa investigación.  Enchimos tres botes de cristal con diferentes cantidades de pel: moito, medio e pouco. Despois, cubrímolas con auga quente, facendo hipóteses sobre o que acontecería. A intención era obter tres tonalidades diferentes partindo do mesmo elemento. Os botes quedáronse repousando toda a noite. Ao día seguinte, colamos a auga e descubrimos os nosos pigmentos naturais: tres cores douradas, cada unha cunha intensidade distinta. Na parte artística, cada neno e nena creou a súa propia obra, pintando cos pigmentos obtidos e incorporando tamén algunh...