ESCOLA DE FIGUEIRIDO. CRA DE VILABOA

 Esta mañá visitamos o CIFP de Cantería de Galicia , en Poio xunto cos nosos compañeiros/as das escolas de Bértola e Paredes. Dentro do noso proxecto  “CRArte: das orixes á arte popular”    puidemos coñecer de primeira man o traballo da pedra, os procesos, as ferramentas e a importancia deste oficio tradicional na nosa cultura. Unha experiencia que nos axuda a comprender mellor a arte popular que forma parte da nosa identidade. Antes de entrar na Escola de Cantería, achegámonos aos Petroglifos da Caeira, onde demos un paseo por este espazo, observamos as pedras, admiramos as vistas e incluso sacamos algunha fotografia para a nosa exposición. Tamén desfrutamos dunha pequena merenda ao aire libre neste espazo.  Unha mañá fantástica! 

Seguimos avanzando no proxecto cunha terceira sesión na que a atención, a creatividade e a expresión oral cobraron especial protagonismo. No primeiro espazo , comezamos cun pequeno quecemento corporal e retomamos o xogo de pasarnos o obxecto cuberto mantendo o contacto visual. Nesta ocasión, o pase realizouse de maneira libre, sen orde establecida, o que esixiu maior atención e conexión co grupo. Aínda que o programa contempla introducir dous obxectos cubertos nesta sesión, decidimos manter un único, xa que o propio lanzamento e a escoita activa supoñen un reto axeitado para o alumnado. A segunda cubrición incorporarase máis adiante. Nesta parte tamén puxemos o foco na creatividade da linguaxe oral , propoñendo pequenas consignas que favorecesen unha expresión máis imaxinativa. No noso caso, xogamos a dicir sabores de xeado , o que deu lugar a respostas moi orixinais e a unha expresión afastada do convencional, potenciando a espontaneidade e a inventiva. Antes de cambiar de espazo, exp...

Hoxe celebramos o entroido na escola cunha CRAvivencia coas escolas de Bértola e Paredes. Comezamos a mañá facendo uns obradoiros moi especiais en pequenos grupos convivindo cos nenos e nenas das outras escolas. OBRADOIRO DE COCIÑA Elaboramos a receita tradicional das filloas . Coñecemos os ingredientes necesarios e participando na súa elaboración. Ademais, ampliamos a experiencia a través do xogo simbólico na cociña, recreando o proceso. OBRADOIRO DE XOGOS DE COBRES  Puxemos o corpo en movemento a través de coñecer os xogos tradicionais do entroido de Cobres, recreando a Corrida do Galo , a través dun circuito motor e o xogo do o Galo no Río , realizando un xogo de   equilibrio. OBRADOIRO ARTÍSTICO  Neste espazo, desenvolvemos un mosaico colaborativo inspirado no Entroido de Cobres, modelamos o Galo de Cobres e pintamos as Madamas e Galáns. E tras unha chegada en paraugas á Casa da Cultura.... FESTA RACHADA! GRAZAS!