ESCOLA DE FIGUEIRIDO. CRA DE VILABOA

Hoxe , 30 de xaneiro, celebramos o Día Escolar da Paz e da Non Violencia xunto con Anxo Moure, como xa é tradición. Debido á climatoloxía adversa, non puidemos visitar a nosa Flor da Paz nin celebrar a carreira solidaria, que queda adiada ata que o tempo o permita. 🌧️ Ao longo do día, Anxo percorreu as cinco escolas cos seus contos e cantigas, contaxiando aos nenos e nenas a súa ilusión por construír un mundo mellor, máis xusto e cheo de paz. As súas cariñas son o mellor exemplo de coma Anxo lles recorda cada ano o importantes que son, o poder que teñen para ensinarlles ao mundo como eles e elas son personitas tolerantes, respectuosas e cheas de pureza. Porque educar en paz é sementar futuro. Grazas sempre Anxo. 💙

Esta semana gozamos na escola dunha instalación artística de xogo arredor da artesanía textil , seguindo traballando na liña  do noso proxecto  CRArte: Das orixes á arte popular , na procura de achegar a artesanía ao alumnado dende o xogo, a curiosidade e o pracer de crear coas mans. A través de tecidos, fíos, las e diferentes texturas, as nenas e os nenos poideron  tocar, entrelazar, atar, vestir, cubrir, elixir e transformar , do mesmo xeito que fan as persoas artesás cando traballan con estes materiais.  Non hai unha forma correcta de xogar nin un resultado final: o importante é o proceso , o xesto e a experimentación libre. O espazo estivo organizado en diferentes zonas (tear, redes, costura, maniquís, exploración de teas) que invitaban ao xogo autónomo, á concentración e á creatividade, respectando os ritmos de cada neno e nena.  A instalación tamén estivo acompañada de  imaxes de artesáns e artesás do ámbito téxtil , nas que se poden ver mans trab...