ESCOLA DE FIGUEIRIDO. CRA DE VILABOA

A veciñanza de Figueirido pediunos colaboración para o decorado de Nadal do parque e puxémonos mans á obra!  Coa colaboración das familias, elaboramos dous gnomos de Nadal que acompañamos dun tendal feito cos nosos calcetíns.  Animádevos a visitar o parque e ver toda a decoración y admirar o gran traballo da veciñanza.   Grazas familias pola vosa implicación!    Para crear os nosos gnomos, elaboramos os gorros e as manoplas como verdadeiros costureiros. Marcamos, recortamos e incluso cosimos coa máquina de coser ! Tamén elaboramos o cartel que acompaña a nosa decoración para felicitar o Nadal a todos os que visiten o parque ! Ven visitar a decoración de Figueirido! 

 Hoxe fomos a Pontevedra, ao Café Moderno , para visitar a exposición de fotografía Comedy Wild Life de Afundación. 🦦 📸 Encantáronnos todas as imaxes, especialmente a da lontra, que é divertidísima e moi simpática! Aproveitamos a visita para reflexionar sobre o coidado do medio ambiente. É importante protexer a natureza e evitar contaminar, porque moitos animais sofren e incluso morren polos plásticos e outros residuos que xeramos. Por iso tamén falamos de como pequenas accións poden marcar a diferenza. Despois da exposición fixemos xabróns de glicerina con forma de animais, que deixamos secar na nosa mordisecadora e logo gardamos no sobre de Mordisquiños🦁 🐻 🙉 . Escollimos facer xabón sólido, porque os líquidos adoitan vir en envases de plástico que xeran máis residuos e contaminan máis. 🧼🌍💚 Un día cheo de aprendizaxe, conciencia ambiental, creatividade e moita ilusión!

Con motivo do 25N, Día Internacional contra a Violencia de Xénero , realizamos unha actividade a nivel de centro para reflexionar, de maneira adaptada á idade, sobre o bo trato, o respecto e a importancia de coidarnos entre todas e todos. Para iso empregamos dous paraugas: O paraugas do “mal trato” , no que o alumnado foi colocando palabras negativas relacionadas con accións que non nos fan sentir ben: berrar, pegar, mandar, insultar, asustar… O paraugas do “bo trato” , onde escribiron palabras positivas que nos axudan a convivir dunha forma segura e respectuosa: axudar, coidar, abrazar, escoitar, respectar… A través desta proposta o alumnado puido identificar emocións, recoñecer condutas que non debemos permitir e descubrir outras que favorecen o benestar propio e o dos demais. Tamén elaboramos debuxos para acompañar estas palabras que se incorporaron a  Os paraugas convertéronse nun símbolo visual moi poderoso para traballar a idea de protexerse e protexer, reforzando mensaxes ...