O coello escoitou 🐇
Martes de conto na Escola de Figueirido Como cada martes, a nosa escola encheuse de historias e ilusión coa sesión de Martes de conto . Nesta ocasión tivemos unha visita moi especial: a profe Conchita, acompañada da profe Cris, achegouse ata nós para compartir o conto “O coello escoitou” , contado nada menos que en hebreo. Chamounos moito a atención que o libro se abría do revés, algo pouco habitual para nós, pero que fixo a experiencia aínda máis interesante e divertida. Gustounos moito descubrir outras linguas e formas de ler. Para rematar a actividade, e como xa é tradición, a profe Alba debuxou ao protagonista da historia. No conto orixinal o personaxe chámase Taylor, pero nós decidimos poñerlle Antón. Despois, o alumnado deu renda solta á súa creatividade e realizou uns debuxos cheos de cor e imaxinación, que quedaron verdadeiramente marabillosos. Seguimos desfrutando da maxia dos contos e da arte cada semana 📚🎨
